18 جون ، 2023 
خیبرپختونخوا: مختلف اضلاع کے ماحولیاتی نمونوں میں پولیو وائرس کی موجودگی کی تصدیق
18 جون ، 2023
خیبرپختونخوا کے مختلف اضلاع کے ماحولیاتی نمونوں میں پولیو وائرس کی موجودگی کی تصدیق ہوئی ہے۔
کوآرڈینیٹر ایمرجنسی آپریشن سینٹر کے مطابق پولیو وائرس کی تصدیق کے بعد کل 7 اضلاع میں انسداد پولیو مہم شروع کی جائےگی۔
کوآرڈینیٹر ایمرجنسی آپریشن سینٹر کے مطابق انسداد پولیو مہم پشاور، نوشہرہ، مہمند، ہنگو میں چلائی جائے گی جب کہ خیبر، کوہاٹ اورچارسدہ میں بھی انسدادپولیومہم کل سے چلائی جائے گی۔
کوآرڈینیٹر ایمرجنسی آپریشن سینٹر کے مطابق پاک افغان مہاجرکیمپس، مخصوص یونین کونسلز میں پولیو سے بچاؤ کے قطرے پلائے جائیں گے۔
اس کے علاوہ پولیو ٹیموں کی سکیورٹی کیلئے14 ہزارپولیس اہلکار تعینات کیے گئے ہیں۔
کراچی میں بھی پولیو وائر س کی تصدیق
ادھر رواں ماہ کراچی میں بھی پولیو وائر س کی تصدیق ہوئی جس کے بارے میں ترجمان محکمہ صحت کی جانب سے بتایا گیا کہ پولیو وائرس ٹائپ ون کی پاکستان نیشنل پولیو لیبارٹری نے تصدیق کی ہے اور ضلع شرقی میں سہراب گوٹھ کے مقام پر پولیو وائرس کی نشاندہی ہوئی ہے۔
جب کہ اس سے قبل گزشتہ سال اسلام آباد، راولپنڈی اور لاہور کے سیوریج سیمپلز میں بھی پولیو وائرس کی تصدیق ہو چکی ہے۔
مزید خبریں :
ہڈیوں کو کمزور بنا دینے والی عام غلطیاں جو بیشتر افراد کرتے ہیں
22 دسمبر ، 2024
کیا زیادہ پانی پینے سے صحت کو فائدہ ہوتا ہے؟
22 دسمبر ، 2024
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
