چیئرمین پی سی بی کی تعیناتی، وزیراعظم نے بورڈ آف گورنرز کیلئے 2 ناموں کی منظوری دیدی

چیئرمین پیپلزپارٹی بلاول بھٹو زرداری پاکستان کرکٹ بورڈ (پی سی بی) کے معاملے پر بھی ن لیگ سے اپنا مؤقف منوانے میں کامیاب ہوگئے، وزیراعظم شہباز شریف نے ذکا اشرف کو  چیئرمین پی سی بی بنانے کیلئے ان کی  گورننگ بورڈ کی رکنیت کی منظوری دے دی۔

بلاول کی وارننگ، وزیراعظم نے سندھ میں سیلاب متاثرین کیلئے 25 ارب روپےکی منظوری دیدی

بلاول نے سوات میں جلسے سے خطاب کے دوران خبردار کیا تھا کہ سیلاب متاثرین کی بحالی کے لیے پیسا نہ ملا تو پیپلز پارٹی بجٹ منظور نہیں ہونے دےگی

پیپلزپارٹی نے چند روز پہلے ذکا اشرف کو چیئرمین پی سی بی بنانے کا مطالبہ کیا تھا جس کے بعد آج وزیراعظم شہباز شریف نے پاکستان کرکٹ بورڈ (پی سی بی) کے چیئرمین کی تعیناتی کیلئے بورڈ آف گورنرز کیلئے ذکا اشرف اور مصطفیٰ رمدے کے ناموں کی منظوری دے دی۔

وزیراعظم کی منظوری کے بعد ذکا اشرف کے ساتھ مصطفیٰ رمدے کا دوسرا نام بھی بورڈ آف گورنرزکوبھجوایا گیا۔ ان دوناموں کے ساتھ بورڈ آف گورنرز کی تعداد 10 ہو گئی۔

چار ڈیپارٹمنٹ اور 4 ایسوسی ایشن کے ممبران بورڈ آف گورنرز میں شامل ہونگے جس کے بعد پی سی بی کا الیکشن ہوگا۔

چیف الیکشن کمشنر پی سی بی انتخاب کا شیڈول جاری کریں گے اور رواں ہفتے ہی چیئرمین پی سی بی منتخب ہوجائیں گے۔

نجم سیٹھی کی سربراہی میں قائم پی سی بی کی منیجمنٹ کمیٹی تحلیل

پاکستان کرکٹ بورڈ کے معاملات الیکشن کمشنر کے سپرد کر دیے گئے، وزارت بین الصوبائی رابطہ نے نوٹیفکیشن جاری کردیا

چیئرمین پی سی بی منیجمنٹ کمیٹی نجم سیٹھی کے عہدے کی معیاد 21 جون کو ختم ہوجائے گی اور آج ہی منیجمنٹ کمیٹی کو تحلیل کردیا گیا ہے۔

امکان ظاہر کیا جارہا ہے کہ سابق چیئرمین ذکا اشرف ایک بار پھر چیئرمین پی سی بی کا عہدہ سنبھالیں گے۔

خیال رہے کہ بلاول نے اس سے قبل وفاقی حکومت کو وارننگ دی تھی کہ اگر سیلاب متاثرین کیلئے فنڈز نہ دیے گئے تو بجٹ پاس نہیں ہونے دیں گے جس کے بعد وزیراعظم شہباز شریف نے سیلاب متاثرین کیلئے 25 ارب روپےکی منظوری دے دی تھی۔