کینسر جیسے موذی مرض سے کیسے بچا جاسکتا ہے؟

 دنیا بھر میں کینسر کے مریضوں میں اضافہ ہوتا جارہا ہے اس مرض کی تشخیص اگر ابتدا میں ہوجائے تو مریض کی زندگی بچائی جاسکتی ہے لیکن اسٹیج تھری اور اسٹیج فور کے کینسر کے مریض زیادہ تر موت کے منہ میں چلے جاتے ہیں۔

کیا آپ کو معلوم ہے کینسر کی اقسام 100 سے بھی زیادہ ہے لیکن کینسر  جیسے مرض کی بڑی وجہ صحت مند طرز زندگی سے دوری  اور مرچ مصالحوں سمیت کھانوں میں ملاوٹ اور کیمیکل کا زیادہ استعمال ہے۔

تاہم آج ہم آپ کو قدرتی طور پر کینسر سے بچنے کے طریقے بتاتے ہیں جن کو آزما کر آپ کینسر کے خطرے کو کم کرسکتے ہیں۔

اینٹی آکسیڈینٹ:

اینٹی آکسیڈینٹ سے بھر پور  غذاؤں کا استعمال بڑھادیں کیونکہ یہ سرطان سے بچاؤ میں مددگار ہیں، خواتین میں سب سے زیادہ پایا جانے والا چھاتی کے سرطان کے بچاؤ کیلئے نہایت مؤثر ہے۔

اینٹی آکسیڈینٹ پھل اور سبزیوں میں پایا جاتا ہے جبکہ سبز چائے بھی اینٹی آکسیڈنیٹ کا ذریعہ ہے۔

ادرک کا استعمال:

اگر آپ سرطان سے بچنے  کیلئے سستا اور آسان حل چاہتے ہیں تو اپنے کھانوں میں ادرک کے استعمال کو بڑھا دیجیے، اس کے علاوہ ادرک نظام ہاضمہ کو نقصان پہنچانے والے بیکٹریا کو بھی ختم کرتا ہے جو پیٹ کے سرطان کی وجہ بنتے ہیں۔

پروٹین کا استعمال کم کردیں 

اگر آپ پروٹین کا زیادہ استعمال کررہے ہیں تو اسے آپ کو کم کر دینا چاہیے کیونکہ پروٹین کا زیادہ استعمال بھی کینسر کا سبب بنتا ہے۔

سگریٹ کا استعمال:

ایک تحقیق کے مطابق سگریٹ نوشی کی عادت 90 فیصد  پھیپھٹروں کے سرطان کی وجہ ہے، سگریٹ نوشی کے عادی  انسان کی عمر بھی گھٹ جاتی ہے اور وہ جلدی موت کے منہ میں چلے جاتے ہیں۔

موٹاپا :

ماہرین کی جانب سے عوام کو وزن کنٹرول کرنے کا اس لیے  بھی کہا جاتا ہے کیونکہ موٹاپا بھی کینسر کا سبب بنتا ہے۔

ماہرین کے مطابق وزن کا زیادہ ہونا بریسٹ کینسر کی ایک وجہ بنتا ہے جس کیلئے ماہرین ورزش کرنے کا  مشورہ دیتے ہیں۔

ہری سبزیوں کا استعمال:

ہری سبزیوں میں قدرت نے بہت سی افادیت چھپا رکھی ہے جن میں سے ایک کینسر سے بچنے کا ذریعہ بھی ہے، ماہرین کے مطابق کچی سبزیاں اور پھلوں کا استعمال ہر فرد کو کرنا چاہیے  اس سے صحت پر حیرت انگیز اثرات مرتب ہوتے ہیں۔

نوٹ: یہ معلومات طبی جریدوں میں شائع مضمون پر مبنی ہے، اس حوالے سے قارئین اپنے معالج سے ضرور مشورہ کرلیں۔