23 جون ، 2023 
پاکستان
پروگرام ابھی ترتیب دیا جارہا ہے، نواز شریف کچھ وقت فیملی کے ساتھ گزارنا چاہتے ہیں: بیٹا نواز شریف— فوٹو:فائل
نواز شریف جلد دبئی روانہ ہونگے، عمرہ یا حج کرنے سعودی عرب بھی جائیں گے: حسین نواز
23 جون ، 2023
سابق وزیراعظم و مسلم لیگ (ن) کے قائد نواز شریف کے بیٹے حسین نواز نے کہا ہے کہ نواز شریف عمرہ یا حج کرنے سعودی عرب بھی جائیں گے۔
لندن میں میڈیا سے غیررسمی گفتگو میں حسین نواز کا کہنا تھاکہ نواز شریف جلد دبئی روانہ ہوں گے اور وہ وہاں دو ہفتے قیام کرسکتے ہیں۔
انہوں نے کہا کہ نواز شریف عمرہ یا حج کرنے سعودی عرب بھی جائیں گے، پروگرام ابھی ترتیب دیا جارہا ہے۔
ان کا کہنا تھاکہ نواز شریف کچھ وقت فیملی کے ساتھ گزارنا چاہتےہیں۔
خیال رہے کہ رواں سال اپریل میں بھی سابق وزیراعظم نواز شریف نے خاندان کے افراد کے ہمراہ عمرہ ادا کیا تھا۔
