27 جون ، 2023 
کھیل
پاکستانی ٹیم نے تین میچوں میں 9گول کھائے اور اس کے کھلاڑی ایک گول کرنے میں بھی ناکام رہے— فوٹو: فائل
ساف فٹبال چیمپئن شپ: پاکستان کو تیسرے اور آخری میچ میں نیپال سے شکست
27 جون ، 2023
ساف فٹبال چیمپئن شپ میں پاکستان کو اپنے تیسرے اور آخری میچ میں بھی نیپال کے ہاتھوں شکست کا سامنا کرنا پڑا۔
گروپ اے میں شامل نیپالی ٹیم بھی اگرچہ ناک آؤٹ مرحلے سے باہر ہوگئی ہے لیکن اس نے پاکستان کے خلاف واحد کامیابی حاصل کرکے پوائنٹس ٹیبل پر تین پوائنٹس کے ساتھ تیسری پوزیشن حاصل کی۔
پاکستانی ٹیم نے تین میچوں میں 9گول کھائے اور اس کے کھلاڑی ایک گول کرنے میں بھی ناکام رہے۔ پاکستان کو پہلے میچ میں بھارت اور دوسرے میچ میں کویت سے شکست ہوئی تھی۔
گروپ اے میں کویت اور بھارت دو میچز کھیل کر 6 پوائنٹس کے ساتھ پہلے اور دوسرے نمبر پر ہیں۔ دونوں ٹیموں نے سیمی فائنل کیلئے کوالیفائی کرلیا ہے، ان کے درمیان میچ یکم جولائی کو کھیلا جائےگا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
