29 جون ، 2023 
پاکستان
بیرک نمبر4 میں 302 اور سنگین جرائم میں ملوث ملزمان قید تھے، قیدیوں کو نماز پڑھنے کیلئے نکالا تو سب نے ایک ساتھ حملہ کردیا: بیرک انچارج —فوٹو: فائل
چمن: قیدیوں کا اہلکاروں پر حملہ، سنگین مقدمات میں ملوث قیدی جیل سے فرار
29 جون ، 2023
چمن میں قیدیوں نے جیل اہلکاروں پر حملہ کردیا، سنگین مقدمات میں ملوث 15 سے 20 قیدی اہلکار سے اسلحہ چھین کر جیل سے فرار ہو گئے۔
پولیس کے مطابق قیدیوں نے نماز عید کیلئے بیرک سے نکلتے ہوئے جیل اہلکاروں پر حملہ کیا جس کے بعد اہلکار سے اسلحہ چھین کر فرار ہو گئے۔
بیرک انچارج نے بتایا کہ بیرک نمبر4 میں 302 اور سنگین جرائم میں ملوث ملزمان قید تھے، بیرک نمبر4 کے قیدیوں کو نماز پڑھنے کیلئے نکالا تو سب نے ایک ساتھ حملہ کردیا۔
جیل حکام کے مطابق قیدیوں نے مین گیٹ کے باہر کھڑے اہلکار سے کلاشنکوف چھین کر فائرنگ کر دی، فائرنگ سے ایک جیل اہلکار بھی زخمی ہو گیا۔
