03 جولائی ، 2023 
ٹک ٹاک کا وہ نیا بہترین فیچر جس کا بیشتر افراد کو علم ہی نہیں ہوسکا
03 جولائی ، 2023
ٹک ٹاک دنیا کی مقبول ترین سوشل میڈیا ایپس میں سے ایک ہے اور اس میں خاموشی سے ایک دلچسپ فیچر کا اضافہ کیا گیا ہے۔
جیسا سب کو معلوم ہے کہ ٹک ٹاک ویڈیو شیئرنگ ایپ ہے تو جب بھی اسے اوپن کیا جاتا ہے تو اس سے نکلنے والی تیز آواز اردگرد بیٹھے افراد کو بھی چونکا دیتی ہے۔
ٹک ٹاک فیڈ میں ویڈیوز کو میوٹ کرنا ممکن نہیں، بس ڈیوائس کے والیوم کو ہی بند کرنا پڑتا ہے۔
مگر اب ٹک ٹاک نے اس کا ایک حل پیش کیا ہے تاکہ صارفین ایسے ماحول میں بھی ویڈیوز دیکھ سکیں جہاں ڈیوائس کی آواز کھولنا مناسب محسوس نہیں ہوتا۔
سوشل میڈیا کمپنی نے اوپن ٹک ٹاک آن میوٹ نامی فیچر کو خاموشی سے متعارف کرایا ہے۔
اس فیچر کو استعمال کرنے پر جب بھی آپ ٹک ٹاک اوپن کریں گے تو ویڈیوز کی آواز اس وقت سنائی نہیں دے گی جب تک والیوم بڑھایا نہیں جاتا۔
فیچر کو کیسے استعمال کریں؟
اس فیچر کو استعمال کرنا زیادہ مشکل نہیں۔
سب سے پہلے ٹک ٹاک کو اوپن کریں اور پھر اپنی پروفائل میں جائیں۔
پروفائل میں جاکر تھری ڈاٹ مینیو پر کلک کرکے سیٹنگز اینڈ پرائیویسی کو اوپن کریں۔
وہاں نیچے اسکرول کرکے پلے بیک پر کلک کریں اور وہاں اوپن ٹک ٹاک آن میوٹ کو ان ایبل کر دیں۔
ایسا کرنے کے بعد جب بھی آپ ٹک ٹاک کو اوپن کریں گے تو ویڈیو کی آواز سنائی نہیں دے گی۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
