موسمیاتی تبدیلیاں قابو سے باہر ہو رہی ہیں، اقوام متحدہ کا انتباہ

اقوام متحدہ کے سیکرٹری جنرل نے کہا ہے کہ موسمیاتی تبدیلیاں قابو سے باہر ہوچکی ہیں۔

ان کا یہ بیان اس وقت سامنے آیا ہے جب غیر سرکاری ڈیٹا کے مطابق مسلسل 7 دن تک دنیا کا اوسط درجہ حرارت معمول سے زیادہ رہا اور 29 جون سے 5 جولائی تاریخ کا گرم ترین ہفتہ رہا۔

اقوام متحدہ کے سیکرٹری جنرل انتونیو گوتریس نے ایک بیان میں کہا کہ اگر ضروری اقدامات کرنے میں تاخیر کا سلسلہ برقرار رہا تو ہم ایک تباہ کن صورتحال کا سامنا کریں گے، کیونکہ مسلسل 2 دنوں تک سب سے زیادہ درجہ حرارت کا ریکارڈ بنا۔

4 جولائی کو دنیا کا اوسط درجہ حرارت 17.18 ڈگری سینٹی گریڈ ریکارڈ کیا اور اس طرح 3 جولائی کو 17.01 ڈگری سینٹی گریڈ کا ریکارڈ ایک دن بعد ہی ٹوٹ گیا۔

موسمیاتی تبدیلیوں کے باعث گزشتہ مہینہ انسانی تاریخ کا گرم ترین جون قرار

انسانوں کے باعث ہونے والی موسمیاتی تبدیلیوں نے زمین کے درجہ حرارت کو بہت زیادہ بڑھا دیا ہے۔

Maine یونیورسٹی کے موسمیاتی ڈیٹا کے مطابق 29 سے 5 جولائی کے دوران روزانہ کا عالمی اوسط درجہ حرارت .04 ڈگری سینٹی گریڈ رہا، جو گزشتہ 44 سال میں کسی بھی ہفتے میں سب سے زیادہ ہے۔

امریکا کے ادارے US National Oceanic and Atmospheric Administration (این او اے اے) نے بتایا کہ ہم جانتے ہیں کہ موسمیاتی تبدیلیوں کے باعث ہم گرم موسم سے گزر رہے ہیں جبکہ ایل نینو اور موسم گرما کے امتزاج کے باعث دنیا بھر کے متعدد حصوں میں ریکارڈ درجہ حرارت دیکھنے میں آیا۔

سائنسدانوں کے مطابق موسمیاتی تبدیلیاں اور ایل نینو کے باعث درجہ حرارت میں مزید ریکارڈ اضافہ ہو سکتا ہے۔

موسمیاتی رجحان ایل نینو کا آغاز ، اس سے درجہ حرارت پر کیا اثرات مرتب ہوں گے؟

ماہرین کے مطابق ایل نینو کے باعث 2024 دنیا کی تاریخ کا گرم ترین سال ثابت ہو سکتا ہے۔

اقوام متحدہ نے 4 جولائی کو ایل نینو کی واپسی کی تصدیق کی تھی۔

ایل نینو کے دوران بحر الکاہل کا درجہ حرارت بڑھ جاتا ہے جس سے دنیا بھر میں درجہ حرارت بڑھتا ہے۔

اس سے قبل 6 جولائی کو یورپی یونین کے Copernicus Climate Change Service نے گزشتہ مہینے کو انسانی تاریخ کا گرم ترین جون قرار دیا تھا۔

موسمیاتی سانحات کے باعث دنیا بھر میں 50 سال میں 20 لاکھ افراد ہلاک

موسمیاتی سانحات کے باعث دنیا بھر کے ممالک کو 51 سال کے دوران 4300 ارب ڈالرز کا نقصان ہوا۔

یورپی ادارے کی رپورٹ میں یہ بھی بتایا گیا کہ جون میں سمندری سطح کا درجہ حرارت سب سے زیادہ رہا جس کی بنیادی وجہ شمالی اوقیانوس کا درجہ حرارت بڑھنا اور بحر اوقیانوس میں ایل نینو کا مضبوط ہونا ہے۔