07 جولائی ، 2023 
کراچی میں سی ٹی ڈی کا افسر گھی تیل کی گاڑی چھیننے میں ملوث نکلا
07 جولائی ، 2023
کراچی میں محکمہ انسداد دہشت گردی (سی ٹی ڈی) کا افسر گھی تیل کی گاڑی چھیننے میں ملوث نکلا۔
پولیس کے مطابق نیوکراچی انڈسٹریل ایریا پولیس نے کارروائی کرکے سی ٹی ڈی افسر سمیت 5 ملزمان کو گرفتار کرلیا۔
پولیس نے بتایاکہ نیوکراچی میں پولیس موبائل نے گھی تیل لے جانے والی گاڑی کو روکا اورساتھ لے گئے، ٹریکر کی مدد سے گاڑی کو پولیس نے گارڈن کے قریب ڈھونڈ نکالا اوراُس وقت گاڑی سے تیل کے کنستر نکالے جارہے تھے۔
پولیس کا کہنا ہے کہ سی ٹی ڈی افسر کا گن مین فرار جبکہ چار ملزمان کو گرفتار کرلیا گیا، فرار ہونے والے کی شناخت پولیس اہلکار ارسلان کے نام سے ہوئی اور وہ سی ٹی ڈی افسر کا گن مین ہے۔
پولیس کے مطابق گرفتار افراد کے بیان سے پتا چلا گاڑی چھنوانے میں انسپکٹرظفر اقبال ملوث ہے جس کے بعد اسے بھی گرفتار کرلیا گیا۔
پولیس نے مقدمہ بھی درج کرلیا۔
