18 جولائی ، 2023 
ایشیا کپ کے معاملات طے: فائنل کو بارش سے بچانے کیلئے ریزرو ڈے، شیڈول کا اعلان کل ہوگا
18 جولائی ، 2023
کراچی: ایشین کرکٹ کونسل (اے سی سی ) اگلے ماہ پاکستان اور سری لنکا میں ہونے والے ایشیا کپ کے شیڈول کا اعلان کل کرے گا۔
براڈ کاسٹرز اور اسپانسرز کو اعتماد میں لینے کے بعد ٹورنامنٹ کے میچز کی تاریخیں اور مکمل پروگرام کا اعلان کیا جائے گا، ایشیا کپ کا آغاز پاکستان سے ہوگا۔
پاکستان کے چاروں میچ لاہور اور ملتان میں ہوں گے: ذرائع
ایشیا کپ پی سی بی کے جانب سے پیش کردہ ہائبرڈ ماڈل کے تحت ہو رہا ہے جس کے ابتدائی 4 میچز پاکستان میں جب کہ باقی 9 میچز سری لنکا میں ہوں گے۔
اب ذرائع کا کہنا ہے کہ دبئی میں ہونے والے میٹنگ میں یہ فیصلہ ہوگیا ہے کہ پاکستان کے چاروں میچ لاہور اور ملتان میں ہوں گے۔
ایشیا کپ پاکستان میں 31 اگست سے شروع ہوگا جو 17 ستمبر تک کھیلا جائے گا
ذرائع کا کہنا ہے کہ سری لنکا میں 9 میں سے 2 میچ سینٹرز دمبولا اور پالے کیلے میں ہوں گے۔
ذرائع کا کہنا ہے کہ طے پایا ہے کہ فائنل کو بارش سے بچانے کیلئے ریزرو ڈے رکھا گیا ہے۔
ایشیا کپ پاکستان میں 31 اگست سے شروع ہوگا جو 17 ستمبر تک کھیلا جائے گا، ایشیا کپ میں پاکستان سمیت بھارت، سری لنکا، بنگلادیش، افغانستان اور نیپال کی ٹیمیں حصہ لیں گی۔
