کھیل

'نسیم نے لنکن بولرز کو رُلا دیا'، نسیم شاہ کی اننگز کے بعد سوشل میڈیا پر میمز کا طوفان آگیا

19 جولائی ، 2023

ہوا کچھ یوں کہ جس وقت نسیم کریز پر آئے اس وقت سعود شکیل بیٹنگ کررہے تھے، اور پاکستان کے 346 رنز پر 8 کھلاڑی آؤٹ تھے__فوٹو: ای ایس پی این

پاکستان اور سری لنکا کے درمیان پہلا ٹیسٹ گال میں جاری ہے جس کا آج چوتھا روز ہے، ٹیسٹ کا تیسرا دن پاکستان کے حق میں رہا جس میں ناصرف مڈل آرڈر بیٹر سعود شکیل نے ناقابلِ شکست ڈبل سنچری کی بلکہ ٹیل اینڈر نسیم شاہ نے جس طرح کا دفاع کیا، وہ قابلِ تحسین تھا۔

ہوا کچھ یوں کہ جس وقت نسیم کریز پر آئے اس وقت سعود شکیل بیٹنگ کررہے تھے، اور پاکستان کے 346 رنز پر 8 کھلاڑی آؤٹ تھے، اور جب نسیم نے اپنی وکٹ گنوائی، اس وقت پاکستان کا مجموعی اسکور 440 تھا، گو کہ اس میں فاسٹ بولر نے صرف 7 رنز ہی جوڑے لیکن ان کا وکٹ بچائے رکھنا پاکستانی ٹیم کے حق میں بہتر ہوا۔

اب ماجرا یہ ہوا کہ سری لنکن بولرز کی لاکھ کوششوں کے باوجود نسیم شاہ نے وکٹ نہ گنوائی، ان کی اسی شاندار کارکردگی پر سوشل میڈیا صارفین حیران ہوگئے اور ان کے حق میں تبصرے کیے اور میمز بھی بنائیں۔

آئیں کچھ دلچسپ میمز اور تبصرے دیکھتے ہیں:

کچھ صارفین کا یہ بھی کہنا تھا کہ 2022 میں جب بابر نے ٹیسٹ میچ میں سری لنکا کے خلاف سنچری کی تھی تب بھی نسیم شاہ کو کریڈٹ جاتا تھا، کیونکہ انہوں نے وکٹ بچائی اور دوسرے اینڈ سے بابر کو سنچری کا موقع ملا، جیسا کہ گزشتہ روز سعود شکیل کے کیس میں ہوا۔

ایک اور صارف نے فاسٹ بولر کی تعریف کی اور کہا 'نسیم شاہ کا اعتماد واقعی دیوانوں جیسا ہے، اس کی بیٹنگ بہت پرعزم اور بے خوف ہے، جس طرح سے وہ اپنے رویے اور چہرے کے تاثرات سے حریف کو اپنے قابو میں کرتا ہے ، مجھے اس کے اس انداز سے محبت ہے'۔