19 جولائی ، 2023 
ایشیا کپ کا باقاعدہ اعلان ہو گیا، پاکستان کے میچز کب اور کہاں ہوں گے؟
19 جولائی ، 2023
ایشین کرکٹ کونسل (اے سی سی) نے ایشیا کپ 2023 کے شیڈول کا باضابطہ اعلان کر دیا ہے۔
اے سی سی کی جانب سے جاری اعلامیے میں بتایا گیا ہے کہ ٹورنامنٹ کا افتتاحی میچ 30 اگست کو پاکستان اور نیپال کے درمیان ملتان میں ہو گا جبکہ 31 اگست کو بنگلا دیش اور سری لنکا کینڈی میں آمنے سامنے ہوں گے۔
اے سی سی کے مطابق پاکستان اور بھارت کی ٹیمیں 2 ستمبر کو گروپ میچ کھیلیں گی، پاکستان اور بھارت کا میچ سری لنکا کے شہر کینڈی میں ہو گا جبکہ 3 ستمبر کو بنگلا دیش اور افغانستان کی ٹیمیں لاہور میں آمنے سامنے ہوں گی۔
ایشین کرکٹ کونسل کی جانب سے بتایا گیا ہے کہ پاکستانی ٹیم سپر فور میں کوالیفائی کرتی ہے تو اے ون قرار پائے گی جبکہ بھارتی ٹیم کوالیفائی کرتی ہے تو وہ سپر فور مرحلے میں اے ٹو ہو گی، سپر فور مرحلے میں اے ون اور اے ٹو کا میچ 10 ستمبر کو کولمبو میں ہو گا۔
اے سی سی کا کہنا ہے کہ سپر فور مرحلے میں ایک میچ لاہور اور 5 میچز کولمبو میں ہوں گے جبکہ ایشیا کپ کا فائنل 17 ستمبر کو کولمبو میں کھیلا جائے گا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
