20 جولائی ، 2023 
پاکستانی ٹیم کو جیتنے کے بعد کتنی رقم ملی؟ چیک میں بڑی غلطی ہوگئی
20 جولائی ، 2023
پاکستان اور سری لنکا کے درمیان گال میں شروع ہونے والا ٹیسٹ جمعرات کو پاکستان کی جیت کے ساتھ اختتام پذیر ہوا جس میں قومی ٹیم نے سری لنکا کو 4 وکٹوں سے شکست دی۔
میچ کے بعد ہونے والی تقریب میں مڈل آرڈر بیٹر سعود شکیل کو پلیئر آف دی میچ کی ٹرافی سے نوازا گیا اور 2 ہزار امریکی ڈالرز بھی انعام میں ملے جب کہ کپتان بابر اعظم کو ٹیم کی کامیابی پر چیک تھمایا گیا۔
اب دلچسپ بات یہ ہے کہ سری لنکن کرکٹ بورڈ کی جانب سے پیش کردہ چیک میں ایک بڑی غلطی ہوگئی جو یقیناً سوشل میڈیا صارفین سے پوشیدہ نہ رہ سکی۔
بابر اعظم کو جو چیک ٹیم کی کامیابی پر پکڑایا گیا اس میں جو رقم لکھی تھی ، اس نے صارفین کو مشکل میں ڈال دیا کیونکہ الفاظ میں رقم '2 ہزار امریکی ڈالر ز' لکھی تھی جب کہ نمبرز میں یہ رقم 5000 امریکی ڈالرز درج تھی۔
تاہم صارفین کو یہ بات ہضم نہیں ہوسکی اور کئی لوگوں نے اس غلطی کی نشاندہی کی۔
آئیے کچھ تبصرے ملاحظہ کریں:
پاکستان کو ملنے والی رقم اصل میں کتنی تھی؟
دوسری جانب سری لنکن صحافی نے جیو نیوز کو تصدیق کی کہ یہ پرنٹنگ کی غلطی تھی، یہ رقم 2000 نہیں بلکہ 5000 امریکی ڈالر ہونی چاہیے تھی۔
اس حوالے سے سری لنکن کرکٹ بورڈ سے بھی رابطہ کیا گیا ہے جن کا مؤقف ابھی آنا باقی ہے۔
واضح رہے کہ دو میچز پر مشتمل ٹیسٹ سیریز کا دوسرا میچ 24 جولائی سے کولمبو میں شروع ہوگا۔
گال میں کھیلا گیا یہ ٹیسٹ ورلڈ ٹیسٹ چیمپئن شپ25 ۔2023 میں پاکستانی ٹیم کا پہلا ٹیسٹ ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
