21 جولائی ، 2023 
ایمرجنگ ایشیا کپ: پاکستان شاہینز سری لنکا کو شکست دیکر فائنل میں پہنچ گئے
21 جولائی ، 2023
پاکستان شاہینز نے ایمرجنگ ایشیا کپ کے سیمی فائنل میں سری لنکا اے کو شکست دیکر فائنل میں جگہ پکی کر لی۔
کولمبو میں کھیلے گئے سیمی فائنل میں پاکستان شاہینز نے سری لنکا اے کو 60 رنز سے شکست دی، 323 رنزکے ہدف کے تعاقب میں سری لنکن اے ٹیم 46ویں اوور میں 262 رنز پر آؤٹ ہو گئی۔
پاکستان شاہینز کی جانب سے ارشد اقبال نے شاندار بولنگ کا مظاہرہ کرتے ہوئے 37 رنز دے کر پانچ وکٹیں حاصل کیں جبکہ مبصر خان اور سفیان مقیم نے دو، دو اور عماد بٹ نے ایک وکٹ لی۔ شاندار بولنگ پر ارشد اقبال کو میچ کا بہترین کھلاڑی قرار دیا گیا۔
میزبان سری لنکا کی جانب سے اوشکا فرنینڈو اور سہان اراچھیگے نے 97، 97 رنز کی اننگز کھیلیں جو رائیگاں گئیں۔
ایمرجنگ ایشیا کپ کے دوسرے سیمی فائنل میں بھارت اور بنگلا دیش کی ٹیمیں مد مقابل ہیں، دونوں میں سے جو ٹیم بھی جیتے بھی اسے فائنل میں پاکستان کا سامنا کرنا پڑے گا۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
