23 جولائی ، 2023 
پاکستان
شاہد خٹک نے نوشہرہ میں سیاسی تقریر کی تھی جس میں انہوں نے پرویز خٹک اور مولانا فضل الرحمان پر تنقید کی تھی/ فائل فوٹو
الیکشن کمیشن کا نگران وزیر خیبر پختونخوا کو عہدے سے ہٹانےکا حکم
23 جولائی ، 2023
الیکشن کمیشن نے نگران وزیر خیبر پختونخوا شاہد خٹک کو عہدے سے ہٹانے کا حکم جاری کر دیا۔
شاہد خٹک نے نوشہرہ میں سیاسی تقریر کی تھی جس میں انہوں نے پرویز خٹک اور مولانا فضل الرحمان پر تنقید کی تھی۔
تنقید کرنے پرالیکشن کمیشن نے نگران وزیر خیبر پختونخوا شاہد خٹک کو عہدے سے ہٹانے کا حکم جاری کیا، جس پر شاہد خٹک نے الیکشن کمیشن کا فیصلہ یکطرفہ قرار دے دیا۔
اسی حوالے سے سیکرٹری الیکشن کمیشن نے نگران وزیراعلیٰ پنجاب محسن نقوی کوبھی خط لکھ دیا ہے۔
خط میں امید ظاہر کی گئی ہے کہ نگران حکومت الیکشن عمل پر اثرانداز ہونے کی کوشش نہیں کرے گی اور واضح کیا کہ تمام سیاسی فریقین کو برابری کے مواقع فراہم کیے جائیں۔
