24 جولائی ، 2023 
کراچی میں بارش کے باعث متعدد پروازیں منسوخ
24 جولائی ، 2023
کراچی میں بارش کے باعث متعدد پروازیں منسوخ اور تاخیر کا شکار ہوگئیں۔
ائیرپورٹ ذرائع کے مطابق کراچی سے اسلام آباد کیلئے 3گھنٹے تاخیر سے پی کے 368 روانہ ہوئی، اسلام آباد ہی کیلئے 15 منٹ تاخیر سے نجی ائیرلائن کی پرواز پی ایف 127 روانہ ہوئی۔
ذرائع کے مطابق لاہور کیلئے پرواز پی کے 304 تاحال روانہ نہ ہوسکی، فلائی دبئی کی کراچی سے دبئی کی پرواز 40 منٹ تاخیر سے روانہ ہوئی، نجی ائیرلائن کی لاہور جانے والی پرواز پی اے 406 منسوخ ہوگئی۔
ائیرپورٹ ذرائع کے مطابق پشاور کیلئے پی کے 350، اسلام آباد کیلئے پی کے 370 پرواز منسوخ ہوئی، پی آئی اے کی مدینہ، مسقط اور ریاض کی پروازیں بھی منسوخ ہوئیں،
ائیرپورٹ ذرائع کے مطابق پی آئی اے کی ٹورنٹو جانے والی پرواز پی کے 783 بھی منسوخ ہوگئی۔
