عسکری سپہ سالار سے تمام سیاستدانوں کو سیکھنے کی ضرورت ہے: فردوس عاشق

لاہور: استحکام پاکستان پارٹی کی ترجمان فردوس عاشق اعوان کا کہنا ہے کہ عسکری سپہ سالار نے اقتصادی سپہ سالار کا کردار ادا کیا ہے جس سے تمام سیاستدانوں کو سیکھنے کی ضرورت ہے۔

لاہور میں پریس کانفرنس کرتے ہوئے فردوس عاشق اعوان نے کہا کہ 9 مئی کے واقعات نے ملک کو ہلا کر رکھ دیا، ہماری پارٹی ملک میں سیاسی اور معاشی استحکام لائے گی۔ 

انہں نے کہا کہ ایک شخص اپنی ذات کو آگے رکھتے ہوئے ملکی اداروں اور سلامتی پر حملہ آور ہوا جس کا انجام سب کے سامنے ہے۔ 

فردوس عاشق کا کا کہنا تھا کہ 14 اگست سے پارٹی کا باقاعدہ آغاز کر رہے ہیں، قیام پاکستان اور استحکام پاکستان پارٹی کی سالگرہ اکٹھے منائیں گے۔