27 جولائی ، 2023 
ایشین انڈر 16 والی بال: مسلسل 4 فتوحات کے ساتھ پاکستان سیمی فائنل میں پہنچ گیا
27 جولائی ، 2023
ازبکستان میں جاری ایشین انڈر 16 والی بال چیمپئن شپ میں پاکستان نے تھائی لینڈ کو آؤٹ کلاس کرتے ہوئے مسلسل چوتھا میچ جیت لیا۔
پہلی ایشین انڈر 16 والی بال چیمپئن شپ ازبکستان کے شہر تاشقند میں جاری ہے، سپر 8 مرحلے کے دوسرے میچ میں پاکستان انڈر 16 والی بال ٹیم تھائی لینڈ انڈر 16 کیخلاف پوری طرح چھائی رہی اور 0-3 سے کامیابی حاصل کی جبکہ پاکستان کی کامیابی کا اسکور 9-25، 16- 25 اور 19-25 رہا۔
یہ ٹورنامنٹ میں پاکستان کی مسلسل چوتھی کامیابی ہے، اس سے قبل سپر 8 کے پہلے میچ میں پاکستان نے آسٹریلیا کو بھی0-3 سے ہرایا تھا، پہلے راؤنڈ میں پاکستان نے تائپے اور منگولیہ کو ہرایا تھا۔
ایونٹ میں پاکستان نے تمام میچز اسٹریٹ گیمز میں جیتے، پاکستان ٹیم کی شاندار پرفارمنس میں طلال احمد، مہتد علی، محمد انس اور محمد یحییٰ نے اہم کردار ادا کیا۔
پاکستان نے ایونٹ کے سیمی فائنل کیلئے کوالیفائی کرلیا ہے اور سیمی فائنل جمعہ کو کھیلا جائے گا۔ پاکستان سیمی فائنل میں ازبکستان سے مقابلہ کرے گا۔ جاپان کی ٹیم قازقستان سے شکست کے بعد سیمی فائنل کی دوڑ سے آؤٹ ہوگئی ہے۔
ایران اور چائنیز تائپے دوسرے سیمی فائنل میں مدمقابل ہوں گے۔
ایونٹ کی 3 ٹاپ ٹیمیں اگلے سال ہونیوالے ورلڈ انڈر 17 چیمپئن شپ کیلئے کوالیفائی کریں گی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
