01 اگست ، 2023 
کھیل
سابق ڈائریکٹر ڈومیسٹک ندیم خان سےچیئرمین پی سی بی مینجمنٹ ذکا اشرف نے ملاقات کی__فوٹو: فائل
قومی سلیکشن کمیٹی اور نئے سینٹرل کانٹریکٹ کا اعلان کل متوقع
01 اگست ، 2023
لاہور: پاکستان کرکٹ بورڈ (پی سی بی) کا ڈومیسٹک کرکٹ اسٹرکچر سے متعلق اجلاس کل بروز بدھ کوہوگا۔
ذرائع کے مطابق اجلاس میں آئندہ ڈومیسٹک کرکٹ اسٹرکچر سے متعلق فیصلے ہوں گے، اجلاس میں ریجنز اور ڈپارٹمنٹل ٹیموں سے متعلق فیصلہ ہوگا۔
اجلاس سے قبل کرکٹ کمیٹی سربراہ اور ایڈوائزر مصباح الحق اپنی مشاورت مکمل کریں گے، اجلاس میں نئی قومی سلیکشن کمیٹی سے متعلق بھی تجاویز پر غور ہوگا۔
قومی سلیکشن کمیٹی کے اعلان کے بعد نئےسینٹرل کانٹریکٹ کا اعلان بھی ہوگا۔
ذرائع کا بتانا ہے کہ سابق ڈائریکٹر ڈومیسٹک ندیم خان سےچیئرمین پی سی بی مینجمنٹ ذکا اشرف نے ملاقات کی۔
ندیم خان کو بھی نئے سیٹ اپ میں اہم ذمے داریاں ملنے کا امکان ہے۔
