پیپلزپارٹی نے نگران وزیراعظم کیلئے دو نام دے دیے

پاکستان پیپلزپارٹی نے نگران وزیراعظم کے لیے دو نام دے دیے۔

ذرائع کے مطابق پیپلزپارٹی نے سابق سیکرٹری خارجہ جلیل عباس جیلانی کا نام دیا۔ ذرائع نے بتایاکہ پی پی نے سابق چیف جسٹس تصدق حسین جیلانی کا نام بھی دیا۔

تصدق جیلانی 11 دسمبر 2013 سے 5 جولائی 2014 تک چیف جسٹس آف پاکستان رہے جبکہ جلیل عباس جیلانی سیکرٹری خارجہ اور امریکا میں پاکستان سفیر رہے ہیں۔

پوری کوشش ہوگی وزیراعظم کے ساتھ نگران کا نام فائنل کرلیں: اپوزیشن لیڈر

معاملے پر کسی قسم کا ڈیڈلاک نہیں، آج اسمبلی تحلیل ہوجائے گی، تین دن کاوقت ہےاس میں مل کرنگران وزیراعظم کے لیے مشاورت کریں گے: راجہ ریاض

خیال رہے کہ وزیراعظم شہباز شریف نے اعلان کیا ہے کہ قومی اسمبلی آج تحلیل کردی جائے گی اور سمری آج صدر کو ارسال کی جائے گی۔

اس کے علاوہ وزیراعظم اور قائد حزب اختلاف راجہ ریاض نگران وزیراعظم کے نام پر مشاورت کیلئے کل ملاقات کریں گے جس میں فیصلہ ہونے کا امکان ہے۔