16 اگست ، 2023 
پاکستان
اے ایس ایف کے عملے نے بحرین جانے والے مسافر سے 2.6 کلو گرام آئس ہیروئن برآمد کی— فوٹو: جیو نیوز
لاہور سے بحرین جانے کیلئے ائیرپورٹ پہنچا مسافر گرفتار، منشیات برآمد
16 اگست ، 2023
ائیرپورٹس سکیورٹی فورس (اے ایس ایف) کے عملے نے لاہور کے علامہ اقبال انٹرنیشنل ائیرپورٹ پر کارروائی کرتے ہوئے بحرین کے مسافر کے قبضے سے منشیات برآمد کر لی جس پر اسے گرفتار کر لیا گیا ہے۔
اے ایس ایف کے عملے نے بحرین جانے والے مسافر سے 2.6 کلو گرام آئس ہیروئن برآمد کی۔ مسافر محمد فیصل رشید نے مذکورہ منشیات بیگ میں مہارت سے چھپا رکھی تھی۔
تاہم اے ایس ایف کے عملے نے سامان کی تلاشی کے دوران منشیات برآمد کر کے اسمگلنگ کی کوششں ناکام بنا دی۔
ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا ہے۔
