18 اگست ، 2023 
پاکستان
فوٹو: فائل
بھارت کیجانب سے 'نالہ ایک' میں سیلابی ریلا چھوڑ دیا گیا، سبزی کی فصلیں تباہ
18 اگست ، 2023
بھارت کی جانب سے 'نالہ ایک' میں سیلابی ریلا چھوڑ دیا گیا۔
ذرائع کے مطابق بھارت کی جانب سے چھوڑے جانے والے ریلے کی وجہ سے سمبڑیال ندوکی چیمہ کے مقام پر' نالہ ایک' میں طغیانی ہے۔
طغیانی کے باعث متعدد مقامات پر شگاف پڑگیا جس کی وجہ سے سینکڑوں ایکڑ پر لگی دھان ،چارے، سبزی کی فصلیں تباہ ہوگئیں۔
اس کے علاوہ پانی کے تیز بہاؤ سے سڑکیں پانی میں بہہ گئیں جبکہ متعدد دیہاتوں کو جانے والے راستے منقطع ہوگئے۔
دوسری جانب انڈس رَیور سسٹم اتھارٹی (ارسا) کے مطابق ملک کے 3 بڑے آبی ذخائر مکمل طور پر پانی سے بھرگئے ،تربیلا،منگلا اور چشمہ کے آبی ذخائرمیں پانی کا مجموعی ذخیرہ 1 کروڑ 34 لاکھ ایکڑ فٹ ہوگیا۔
مزید خبریں :
ملتان میں فضائی معیار آج بھی انتہائی مضر صحت
3 گھنٹے پہلے
ایرانی وزیر خارجہ دو روزہ سرکاری دورے پرپاکستان پہنچ گئے
10 گھنٹے پہلے
