20 اگست ، 2023 
نواز شریف سے ملاقات کیلئے شہباز شریف لندن روانہ
20 اگست ، 2023
مسلم لیگ ن کے صدر اور سابق وزیراعظم شہباز شریف پارٹی قائد نواز شریف سے ملاقات کے لیے لندن روانہ ہو گئے۔
مسلم لیگ ن کی ترجمان مریم اورنگزیب کی جانب سے جاری بیان میں بتایا گیا تھا کہ سابق وزیراعظم اور ن لیگ کے صدر شہباز شریف آج لاہور سے لندن کے لیے روانہ ہوں گے۔
مریم اورنگزیب نے بتایا کہ لندن میں قیام کے دوران شہباز شریف پارٹی قائد نواز شریف سے ملاقات کریں گے۔
تاہم اب ذرائع مسلم لیگ ن کا کہنا ہے کہ شہباز شریف لندن کے لیے روانہ ہو گئے ہیں۔
سابق وزیر اطلاعات نے سوشل میڈیا پر جاری بیان میں کراچی سے اسلام آباد جانے والی مسافر کوچ کے حادثے پر بھی افسوس کا اظہار کرتے ہوئے کہا کہ یہ خبر سن کر دل بے حد دکھی ہے،
مریم اورنگزیب نے متاثرہ خاندانوں سے دلی افسوس کا اظہار کرتے ہوئے کہا کہ مشکل کی اس گھڑی میں ان کے ساتھ ہیں۔
مزید خبریں :
تصاویر: پی ٹی آئی کا احتجاج اور سخت سکیورٹی اقدامات
1 گھنٹے پہلے
سندھ پنجاب سرحد کو ٹریفک کیلئے کھول دیا گیا
3 گھنٹے پہلے
