22 اگست ، 2023 
ورلڈ بلائنڈ گیمز کرکٹ: بنگلادیش کو ہراکر پاکستان نے مسلسل دوسری فتح حاصل کرلی
22 اگست ، 2023
برمنگھم میں شروع ہونے والے ورلڈ بلائنڈ گیمز میں کرکٹ کے مقابلوں میں پاکستان نے بنگلادیش کو 7 وکٹ سے شکست دے کر ایونٹ میں مسلسل دوسری فتح حاصل کرلی۔
پہلے بیٹنگ کرتے ہوئے بنگلادیش نے پاکستان کو 138 رنز کا ہدف دیا جسے پاکستانی بیٹرز نے 3 وکٹوں کے نقصان پر 12 ویں اوور میں حاصل کرلیا۔
پاکستان کی جانب سے بیٹنگ کرتے ہوئے ریاست خان نے 60 رنز اسکور کیے جبکہ، بدر منیر نے بھی زبردست بیٹنگ کا مظاہرہ کرتے ہوئے 41 رنز اسکور کیے۔
ریاست خان اور بدر منیر نے چوتھی وکٹ پر ناقابل شکست 105 رنز ناٹ آؤٹ کی شراکت بنائی۔
پہلے بیٹنگ کرتے ہوئے بنگلا دیش کی جانب سے عارف حسین نے 60 رنز بنائے، پاکستان کے بدر منیر اور مطیع اللہ نے 2-2 کھلاڑیوں کو آؤٹ کیا۔
ورلڈ بلائنڈ گیمز کرکٹ ایونٹ میں پاکستان کل صبح کے سیشن میں آسٹریلیا سے کھیلے گا جبکہ دونوں میچز جیت کر پاکستان گروپ میں سرفہرست آگیا ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
