24 اگست ، 2023 
پاکستان
محکمہ تعلیم نے سیلاب متاثرہ علاقوں میں اسکول کی چھٹیوں میں غیر معینہ مدت تک اضافہ کردیا ہے— فوٹو: فائل
دریائے ستلج میں پانی کے بہاؤ میں اضافہ، سیکڑوں بستیاں متاثر ہونے کا خدشہ
24 اگست ، 2023
دریائے ستلج میں پانی کے بہاؤ میں تیزی سے اضافے کے باعث سیکڑوں بستیوں کے متاثر ہونے کا خدشہ پیدا ہو گیا۔
عارف والا، بہاول نگر اور چشتیاں میں بستیاں ڈوبنے کے بعد دریائے ستلج میں میلسی سائفن کے مقام پر پانی کے بہاؤ میں تیزی سے اضافے کے باعث لودھراں کی دریائی بیلٹ میں 40 موضع جات اور سیکڑوں بستیوں کے متاثر ہونے کا خدشہ پیدا ہو گیا ہے۔
انتظامیہ کی جانب سے 24 اسکول بند کردیے گئے ہیں جبکہ محکمہ تعلیم نے سیلاب سے متاثرہ علاقوں میں اسکول کی چھٹیوں میں غیر معینہ مدت تک اضافہ کردیا۔
دوسری جانب بہاول پور میں دریائی بیلٹ کی کئی بستیوں سے لوگوں کو محفوظ مقامات پر منتقل کردیا گیا جبکہ بورے والا کے مقام پر بھی پانی کی سطح میں اضافے سے متعدد چھوٹے بند ٹوٹ گئے ہیں۔
مزید خبریں :
ملتان میں فضائی معیار آج بھی انتہائی مضر صحت
14 منٹ پہلے
کراچی: مٹی کا تودہ گرنے سے 2 مزدور جاں بحق، ایک زخمی
9 گھنٹے پہلے
