25 اگست ، 2023 
سندھ پولیس کے نام پر ڈرائیونگ لائسنس بنانے والے گروہ کے 3 کارندے گرفتار
25 اگست ، 2023
وفاقی تحقیقاتی ادارے (ایف آئی اے) کے سکھر سائبر کرائم ونگ نے شکارپور اور سکھر میں چھاپا مار کاروائی کرتے ہوئے سندھ پولیس کے نام سے جعلی ڈرائیونگ لائسنس بنانے والے گروہ کے تین کارندوں کو گرفتار کر لیا۔
ایف آئی کے ترجمان کے مطابق گرفتار ملزمان فہیم قمر، افتخار علی اور عمران علی نے شکارپور ٹریفک پولیس کے نام سے جعلی ویب سائٹس بنائی ہوئی تھیں اور جعلی ڈرائیونگ کے اجراء میں ملوث تھے۔
ترجمان کے مطابق ملزمان نے متعدد شہریوں کو جعلی ڈرائیونگ لائسنس جاری کیے، ملزمان اب تک 27 ہزار سے زائد ڈرائیونگ لائسنس جاری کر چکے ہیں۔
ترجمان ایف ائی اے کا کہنا تھا کہ ملزمان کے قبضے سے موبائل فونز اور لیپ ٹاپ برآمد کیے گئے جبکہ گرفتار ملزمان کے خلاف پیکا ایکٹ کے تحت مقدمہ بھی درج کر لیا گیا ہے۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
