27 اگست ، 2023 
پاکستان
پولیس اہلکاروں کی جانب سے ضرورت مند خاتون کے گھر راشن پہنچایا گیا— فوٹو: سوشل میڈیا
بچے 4 دن سے بھوکے ہیں، خاتون کی 15 پرکال کے بعد پولیس اہلکار راشن لیکر گھر پہنچ گئے
27 اگست ، 2023
اسلام آباد میں پولیس مددگار ہیلپ لائن 15 پر کال کرکے خاتون نے بچوں کے 4 دن سے بھوکے ہونے کی اطلاع دی۔
پولیس کے مطابق خاتون نے 15 پر کال کرکے بتایاکہ بچے 4 دن سے بھوکے ہیں دکاندار اورمحلے دار راشن نہیں دے رہے، ال موصول ہونے پر اطلاع متعلقہ اہلکاروں کو فراہم کی گئی جس پر پولیس اہلکاروں کی جانب سے ضرورت مند خاتون کے گھر راشن پہنچایا گیا۔
پولیس کے مطابق تھانہ شمس کالونی کےعلاقے ایچ 13 میں خاتون کی فیملی کو آٹا، چینی، چاول اور گھی وغیرہ پہنچایا گیا ہے، خاتون کے5 بچے ہیں،شوہربیرون ملک سےبیروزگارپاکستان لوٹ چکاہے۔
خیال رہے کہ ملک میں مہنگائی کی شرح میں بھی اضافہ ہوگیا اور وہیں دوسری جانب بجلی کے بلوں میں اضافے پر عوام سراپا احتجاج ہیں۔
