حکومت چینی مافیا کے آگے بے بس، چینی کی قیمتوں کو پر لگ گئے

نگران حکومت چینی مافیا کے آگے بے بس نظر آنے لگی، چینی کی قیمتوں   بڑھتی ہوئی قیمتوں کو روکنے  میں ناکام ہوگئی۔

چینی کی سرکاری قیمت 99 روپے ہونے کے باوجود لاہور میں چینی پانچ روپے کلو مہنگی ہو کر 175، کوئٹہ میں 175، پشاور، اسلام آباد، فیصل آباد، کراچی اور حیدرآباد میں 170 روپے کلو فروخت ہونے لگی۔

ملک میں چینی کی قیمت میں بڑے اضافے کا خدشہ

امپورٹڈ چینی 220 روپے کلو کے حساب سے پاکستان میں منگوائی جا رہی ہے، محکمہ خوراک کے پاس ا س وقت 10لاکھ ٹن سرپلس چینی کا کیری فارورڈ موجود ہے

رواں برس اپریل میں لاہور ہائی کورٹ نے  سستی چینی بیچنے کے حکومتی فیصلے کے خلاف اسٹے دیا تھا، اسٹے آرڈر پر فیصلے کی اگلی سماعت آئندہ ماہ مقرر ہے تاہم  محکمہ خوراک پنجاب کی جانب سے چینی کی کم قیمت پر فروخت کے معاملے پر عدالتی اسٹے جلد ختم کرانے کیلئے اب تک کوئی قانونی کوشش نہیں کی گئی۔

چینی کم اور مانگ زیادہ ہونے کے باعث ملک میں چینی کی قیمتوں کو پر لگے ہوئے ہیں،  جبکہ چینی مافیا نے پی ڈی ایم حکومت کو ضرورت سے زیادہ چینی موجود ہونے کا یقین دلاتے ہوئے سستی چینی ایکسپورٹ کرنے کی اجازت لے لی تھی۔

سستی چینی ایکسپورٹ کرکے چینی مافیا نے ڈالرز میں بھاری منافع کمایا، پی ڈی ایم حکومت نے صرف 2.5 لاکھ میٹرک ٹن چینی ایکسپورٹ کی اجازت دی تھی تاہم چینی مافیا نے اس سے زیادہ چینی ایکسپورٹ کرتے ہوئے لاکھوں میٹرک ٹن چینی افغانستان اسمگل کردی۔