01 ستمبر ، 2023 
واٹس ایپ کی شکل مکمل تبدیل ہونے کے قریب
01 ستمبر ، 2023
واٹس ایپ کی جانب سے حالیہ مہینوں میں متعدد نئے فیچرز متعارف کرائے گئے ہیں۔
اب میٹا کی زیر ملکیت میسجنگ ایپ کے ڈیزائن کو بھی مکمل طور پر تبدیل کیا جا رہا ہے۔
WABetaInfo کی رپورٹ کے مطابق اینڈرائیڈ ڈیوائسز کے لیے واٹس ایپ کے بیٹا (beta) ورژن میں میسجنگ ایپ کا نیا ڈیزائن جاری کیا گیا ہے۔
واٹس ایپ کے نئے یوزر انٹرفیس میں ٹاپ بار کو مکمل سفید کیا جا رہا ہے یعنی سبز رنگ غائب ہونے والا ہے۔
البتہ چیٹ اور دیگر لوگو (logo) کا رنگ سبز ہو جائے گا۔
اس یوزر انٹرفیس میں واٹس ایپ لوگو کے لیے نیا فونٹ بھی استعمال کیا گیا ہے۔
اس ڈیزائن میں بھی نیوی گیشن بار کو نیچے ہی رکھا گیا ہے جو چیٹس، اسٹیٹس، کمیونیٹیز اور کالز ٹیبز پر مشتمل ہے۔
اس نئے ڈیزائن میں چیٹ فلٹرز کا بھی اضافہ کیا جا رہا ہے اور آپ آل، unread، پرسنل یا بزنس میسجز جیسے فلٹرز کو استعمال کر سکیں گے۔
واٹس ایپ کے اس نئے ڈیزائن پر ابھی کام جاری ہے اور یہ بیٹا ورژن میں محدود صارفین کو دستیاب ہے۔
اس لیے یہ کہنا مشکل ہے کہ کب تک واٹس ایپ کے تمام صارفین کے لیے اس نئے ڈیزائن کو متعارف کرایا جائے گا۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
