03 ستمبر ، 2023 
شوہر بلال کو کراچی میں اغوا کر لیا گیا، حریم شاہ کا دعویٰ
03 ستمبر ، 2023
پاکستانی ٹک ٹاکر حریم شاہ نے دعویٰ کیا ہے کہ میرے شوہر بلال شاہ کو اغوا کر لیا گیا ہے۔
حریم شاہ نے اپنے ایک ویڈیو بیان میں کہا کہ شوہر بلال شاہ گزشتہ ہفتے لندن میں میرے ساتھ تھے،وہ کراچی پہنچے تو انہیں سادہ کپڑوں میں ملبوس افراد نے اٹھالیا۔
ٹک ٹاکرحریم شاہ نے بتایا کہ اغوا کے عینی شاہدین کے مطابق ڈالے میں آئے افراد بلال کو اٹھاکر لے گئے۔
حریم شاہ کے مطابق مجھے نہیں پتہ میرے شوہر بلال شاہ کے اغوا میں کون لوگ ملوث ہیں، قانون نافذ کرنے والے اداروں سے درخواست ہے میرے شوہر کو بازیاب کرایا جائے۔
انہوں نے کہاکہ میرے شوہر کا کسی قسم کی سیاست سے کوئی تعلق نہیں، شوہر کی بازیابی کیلئے کورٹ میں پٹیشن بھی جمع کرادی ہے۔
ذرائع کے مطابق بلال شاہ سے حریم شاہ کے ٹوئٹر اکاؤنٹ سے متعلق پوچھ گچھ کی جا رہی ہے۔
دوسری جانب حریم شاہ کامؤقف ہے کہ متنازع باتیں پھیلانے والا اکاؤنٹ میرا نہیں،پتہ نہیں کون چلا رہا ہے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
