04 ستمبر ، 2023 
پاکستان
ماڑی پور روڈ پر ٹرک الٹ گیا تھا / فوٹو بشکریہ افضل ندیم ڈوگر
پولیس نے کارروائی کرتے ہوئے سڑک کو کلیئر کیا / فوٹو بشکریہ افضل ندیم ڈوگر
کراچی کی مصروف شاہراہ پر ٹرک الٹنے سے برف کے بلاکس ہر جگہ پھیل گئے
04 ستمبر ، 2023
کراچی کے علاقے شیر شاہ میں ماڑی پور روڈ پر ٹرک الٹ جانے سے سڑک پر برف پھیلنے سے ٹریفک معطل ہوگئی تاہم پولیس نے فوری کارروائی کرتے ہوئے سڑک کو کلیئر کرکے ٹریفک بحال کر دی۔
شیر شاہ پولیس کے مطابق برف کے بلاکس سے بھرا ٹرک لیاری ایکسپریس وے سے ماڑی پور روڈ پر پہنچا۔
وہاں سے گلبائی کی طرف مڑنے کے دوران ٹرک غیر متوازن ہو کر الٹ گیا جس سے ماڑی پور روڈ کے شیر شاہ پل پر برف کے بلاکس پھیل گئے اور شہر سے گلبائی کی طرف جانے والا ٹریفک معطل ہو گیا۔
شیر شاہ پولیس اور ٹریفک پولیس کے عملے نے فوری کارروائی کرتے ہوئے سڑک کو کلیئر کیا اور ٹریفک بحال کر دی۔
پولیس کے مطابق ٹرک اوورلوڈ ہونے کی وجہ سے حادثے کا شکار ہوا۔
