کشمور: مغویوں کی بازیابی کی یقین دہانی پر ہندو برادری کا4 دن سے جاری دھرنا ختم

کشمور میں پولیس اور  حکومت سے کامیاب مذاکرات اور مغویوں کی بازیابی کی یقین دہانی کے بعد ہندو  برادری  نے 4 دن سے جاری  دھرنا ختم کردیا۔

مغویوں کے اہل خانہ کے وفد نے نگران صوبائی وزیر داخلہ حارث نواز سے ملاقات کی جس کے بعد  نگران صوبائی وزیر داخلہ نے ایس ایس پی کشمورکے ہمراہ دھرنےکے شرکاء سے مذاکرات کیے۔

ترجمان نگران وزیر داخلہ کے مطابق مذاکرات کی کامیابی کے بعد دھرنا ختم کر دیا گیا۔

ہندو  برادری نے 4 دن سے بند کاروبار  بھی کل سےکھولنےکا اعلان کردیا،4 دن سے بند انڈس ہائی وے پر ٹریفک بحال ہوگیا، قومی شاہراہ ببرلو کے مقام پربھی دھرنا ختم کردیا گیا اور  دھرنےکےشرکاء پرامن طور پرمنتشر ہوگئے۔

 نگران وزیرداخلہ  نے مغویوں کی جلد بازیابی اور 48 گھنٹوں میں ملزمان کی گرفتاری کے احکامات جاری کردیے ہیں۔