06 ستمبر ، 2023 
ایشیا کپ: لائٹ ٹاور کی بندش کی وجہ سے پاک بنگلادیش میچ کچھ دیر رکنے کے بعد دوبارہ شروع
06 ستمبر ، 2023
ایشیا کپ کے سپر فور مرحلے میں پاکستان اور بنگلادیش کے درمیان قذافی اسٹیڈیم لاہور میں کھیلا جا رہا میچ لائٹ ٹاور کی بندش کی وجہ سے کچھ دیر رُکے رہنے کے بعد دوبارہ شروع ہوگیا۔
بنگلادیش کے 194 رنز کے ہدف کے تعاقب میں پاکستان نے اپنی اننگز کا آغاز کیا اور 5 اوورز میں بغیر کسی نقصان کے 15 رنز بنائے لیکن پھر قذافی اسٹیڈیم لاہور میں پاکستان کی اننگز کے دوران ایک لائٹ ٹاور بند ہوگیا۔
لائٹ ٹاور کی بندش کی وجہ سے کھیل کچھ دیر تک روکا گیا،کھیل رکنے کے باعث پلیئرز فیلڈ سے چلے گئے تھے۔
تاہم 18 منٹ کھیل رُکے رہنے کے بعد دوبارہ شروع ہوگیا۔
واضح رہے کہ ایشیا کپ کے سپر فور مرحلے میں پاکستان اور بنگلادیش کی ٹیمیں لاہور کے قذافی اسٹیڈیم میں آمنے سامنے ہیں۔
پاکستانی فاسٹ بولرز کی شاندار بولنگ کی بدولت بنگلادیش کی پوری ٹیم 193 رنز پر ڈھیر ہوگئی تھی۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
