07 ستمبر ، 2023 
دنیا سے مقابلے کیلئے ضروری ہے ان جیسی سہولیات اور ٹریننگ دی جائے: قومی ایتھلیٹ صاحب اسرا
07 ستمبر ، 2023
ایشین گیمز ایتھلیٹکس اسکواڈ میں شامل پاکستانی ایتھلیٹ صاحب اسرا کا کہنا ہے کہ ہدف صرف پرسنل بیسٹ کو بہتر کرنا نہیں، فائنل تک جانا ہے۔
جیو نیوز سے خصوصی گفتگو کرتے ہوئے صاحبِ اسرا کا کہنا تھا کہ ایشین گیمز میں 400 میٹر کی دوڑ میں حصہ لے رہی ہوں ، 400 میٹر میں میری پرسنل بیسٹ ٹائمنگ 54.58 سیکنڈز ہے۔
ایتھلیٹ نے کہا کہ کوشش یہی ہوگی کہ ایشین گیمز میں فائنل تک آؤں اور میڈل کے لیے دوڑوں، آج تک پاکستان کی کوئی خاتون ایتھلیٹ ایشین گیمز ٹریک اینڈ فیلڈ فائنل تک نہیں آئیں۔
انہوں نے کہا کہ ایشین گیمز کے لیے ہمارا کیمپ بہت دیر سے لگایا گیا تھا، دیگر ملکوں میں سال سال بھر ٹریننگ ہوتی ہے، ہمیں ایک ماہ کا کیمپ ملتا ہے، دنیا سے مقابلے کے لیے ضروری ہے کہ ان جیسی سہولیات ، ماحول اور ٹریننگ دی جائے۔
صاحبِ اسرا نے کہا کہ محدود وسائل کے باوجود پاکستانی ایتھلیٹس نے بھرپور تیاری کی ہے، ایشین گیمز بڑا ایونٹ ہے ، اس میں اچھا پرفارم کرنا ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
