پاکستان کیخلاف سنچری پر سنیل شیٹی کی داماد کے ایل راہول کیلئے کی گئی ٹوئٹ وائرل

بالی وڈ سپر اسٹار سنیل شیٹی نے داماد کے ایل راہول کی ایشیا کپ میں پاکستان کے خلاف کارکردگی پر تعریفی ٹوئٹ کی جو وائرل ہوگئی۔

ایشیاکپ کے سپر فور مرحلے میں بارش کے باعث دو دن تک جاری رہنے والے پاک بھارت میچ میں کے ایل راہول نے پاکستان کے خلاف 106 گیندوں پر 111 رنز کی ناقابلِ شکست اننگز کھیلی۔

بعدازاں بولرز کی شاندار پرفارمنس کے باعث  پیر کو بھارت نے پاکستان کو 228 رنز کے بھاری مارجن سے شکست دی۔

انجرڈ سلمان آغا کی سری لنکا کیخلاف میچ میں شرکت مشکوک، کس بیٹر کو کھلائے جانیکا امکان؟

قومی کرکٹر کو میچ کے بعد کولمبو کے اسپتال لے جایا گیا، جہاں ان کی ناک پر ڈریسنگ کی گئی۔

بھارت کے 356 رنز کے جواب میں قومی ٹیم 32 اوورز میں صرف 128 رنز بناسکی، پاکستان کےخلاف ون ڈے کرکٹ میں بھارت کی یہ سب سے بڑی کامیابی ہے۔

کے ایل راہول حال ہی میں انجری کے بعد ٹیم کا حصہ بنے ہیں، وہ گزشتہ کئی عرصے سے ٹیم سے باہر تھے، پاکستان کے خلاف سینچری پر ان کے سُسر سنیل شیٹی نے ان کے لیے پیغام جاری کیا۔

سنیل شیٹی نے راہول کی کارکردگی کو شاندار قرار دیا اور لکھا 'یہ ایک فاتحانہ واپسی ہے، جس پر جتنا شکر ادا کیا جائے کم ہے، تمام کوششوں کو بااختیار بنانے کے لیے خدا کا شکر گزار ہوں'۔

دوسری جانب راہول کی اہلیہ اور سنیل شیٹی کی صاحبزادی اداکارہ اتھیا شیٹی نے بھی شوہر کے لیے پیغام جاری کیا۔

انہوں نے لکھا 'یہاں تک کہ اندھیری رات بھی ختم ہوگی اور سورج طلوع ہو گا'۔