14 ستمبر ، 2023 
پاکستان
سرے پولیس کو مطلوب ملزمان بچی کا والد عرفان، سوتیلی والدہ بینش اور چچا فیصل سیالکوٹ سے غیر ملکی ائیرلائن کی پرواز سے برطانیہ پہچنے تھے—فوٹو: فائل
10 سالہ سارہ کا قتل، پولیس کو مطلوب والد، سوتیلی ماں اور چچا برطانیہ پہنچتے ہی گرفتار
14 ستمبر ، 2023
برطانوی پولیس نے سارہ شریف کے والد، سوتیلی ماں اور چچا کو برطانیہ پہنچتے ہی گرفتار کرلیا۔
تینوں افراد کو 10 برس کی سارہ کے قتل کے شبہ میں گیٹ وک ائیرپورٹ سے گرفتار کیا گیا۔
10 سالہ بچی سارہ کے قتل کیس میں سرے پولیس کو مطلوب ملزمان بچی کا والد عرفان، سوتیلی والدہ بینش اور چچا فیصل سیالکوٹ سے غیر ملکی ائیرلائن کی پرواز سے برطانیہ روانہ ہوئے تھے۔
برطانوی پولیس سارہ شریف ہلاکت کیس کی تحقیقات کررہی ہے، بچی کی لاش 10 اگست کو سرے میں گھر سے ملی تھی، بچی کے والد عرفان، سوتیلی ماں بینش اور چچا فیصل پاکستان فرار ہوگئے تھے۔
عرفان شریف واقعے کے بعد اپنے دیگر 5 بچوں کوبھی پاکستان لے آئے تھے جنہیں گزشتہ دنوں ہی پولیس نے تحویل میں لیا۔
