19 ستمبر ، 2023 
گلوبل کرکٹ کپ: پاکستان نے دلچسپ مقابلے کے بعد امریکا کو ایک وکٹ سے شکست دیدی
19 ستمبر ، 2023
اوور 40 گلوبل کرکٹ کپ میں پاکستان ویٹرنز نے یو ایس اے ویٹرنز کو دلچسپ مقابلے کے بعد ایک وکٹ سے شکست دے دی۔
تصور عباس کی آخری لمحات میں شاندار بیٹنگ نے پاکستان کو ممکنہ شکست سے بچا لیا، پاکستان نے 251 رنز کا ہدف 9 وکٹ پر 41 ویں اوور میں حاصل کرلیا۔
آٹھویں نمبر پر آنے والے تصور عباس نے شاندار نصف سنچری اسکور کی، انہوں نے 63 گیندوں پر 87 رنز بنائے ، اس کے علاوہ پاکستان کے مصباح الحق نے 64 اور طارق ہارون نے 43 رنز بنائے۔
امریکا کی جانب سے ثاقب حنیف اور نثار خان نے 3، 3 وکٹیں لیں۔
اس سے قبل یو ایس اے ویٹرنز نے پاکستان کے خلاف ٹاس جیت کر پہلے بیٹنگ کا فیصلہ کیا اور 44.3 اوورزمیں 250 رنزبناکرآؤٹ ہوگئی۔
یوایس اے ویٹرنز کی جانب سے محمد فرخ نے 82رنز کی اننگزکھیلی، نثارخان 39 ، انور احمد 32 اور وینود شنکر نے 31 رنزبنائے۔
پاکستان ویٹرنز کی جانب سے حارث ایاز نے 4 وکٹیں حاصل کیں ،محمد سمیع ، حسن رضا،عمران علی ، کاشف صدیقی اور عبدالقادر نے ایک ایک وکٹ لی۔
واضح رہے کہ گلوبل کپ میں 40 سے زائد عمر کے کھلاڑی شرکت کررہے ہیں ایونٹ میں پاکستان سمیت 8 ممالک کی ٹیمیں شرکت کررہی ہیں۔
پاکستان اور امریکا کی اوور 40 ٹیموں کے درمیان میچ جیو سوپر سے براہ راست نشر کیا گیا۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
