21 ستمبر ، 2023 
فیس بک میں ہونے والی وہ اہم تبدیلی جس کا علم بیشتر افراد کو نہیں ہوسکا
21 ستمبر ، 2023
دنیا کے مقبول ترین سوشل میڈیا نیٹ ورک فیس بک میں ایسی اہم تبدیلی کی گئی ہے جس کا علم بیشتر افراد کو نہیں ہوسکا، بلکہ دیکھ کر بھی انہیں اس کا اندازہ نہیں ہوا۔
فیس بک نے اپنے لوگو (logo) اور ری ایکشنز ایموجیز کو تبدیل کر دیا ہے۔
فیس بک کا نیا لوگو بظاہر تو پہلے جیسا ہی ہے مگر اس میں ذرا گہرے نیلے رنگ کا استعمال کیا گیا ہے جبکہ f کی پوزیشن ذرا مختلف ہے۔
کمپنی کے مطابق روزانہ 2 ارب افراد فیس بک کو استعمال کرسکتے ہیں اور ممکنہ طور پر یہی وجہ ہے کہ لوگو کو مکمل ری ڈیزائن کرنے کی بجائے اسے ہلکا سا تبدیل کیا گیا ہے جس کا علم بیشتر افراد کو ہو نہیں سکا۔
یہ پہلی بار نہیں جب فیس بک لوگو کو تبدیل کیا گیا ہے بلکہ ایسا متعدد بار کیا جاچکا ہے۔
لوگو کے ساتھ ساتھ ورڈ مارک کو بھی اپ ڈیٹ کیا گیا ہے اور اس کے لیے Facebook Sans ٹائپ فیس (فونٹ) کا استعمال کیا گیا ہے جس میں نیلا اور سفید رنگ زیادہ نمایاں ہے۔
کمپنی کی جانب سے ری ایکشنز کو بھی کچھ مختلف کیا گیا ہے۔
فیس بک میں اب ری ایکشنز میں رنگوں کو ایڈجسٹ کیا گیا ہے جس کے باعث وہ کچھ مختلف محسوس ہو رہے ہیں۔
یہ نئی تبدیلیاں فیس بک کے ڈیسک ٹاپ ورژن میں تو دستیاب ہیں البتہ ایپ میں بتدریج تبدیلیاں لائی جائیں گی۔
کمپنی نے یہ عندیہ بھی دیا ہے کہ آنے والے مہینوں میں فیس بک ایپ کو مکمل تبدیل کیا جا سکتا ہے اور یہ فیچرز بتدریج صارفین کو دستیاب ہوں گے۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
