23 ستمبر ، 2023 
پاکستان
نواز شریف سزا یافتہ ہیں، وہ طبی بنیادوں پر اجازت لے کر بیرون ملک گئے تھے، واپس نہیں آئے اور اشتہاری ہو گئے: ترجمان چیئرمین پی ٹی آئی— فوٹو: فائل
نواز شریف کو حفاظتی ضمانت نہیں مل سکتی، سیدھا جیل جانا ہوگا: نعیم پنجوتھا
23 ستمبر ، 2023
پاکستان تحریک انصاف (پی ٹی آئی) کے چیئرمین کے ترجمان برائے قانونی امور نعیم پنجوتھا نے کہا ہے کہ قانونی طور پر نواز شریف کو حفاظتی ضمانت نہیں مل سکتی، نوازشریف کو سیدھا جیل جانا ہے۔
اپنے بیان میں انہوں نے کہا کہ نواز شریف سزا یافتہ ہیں، وہ طبی بنیادوں پر اجازت لے کر بیرون ملک گئے تھے، واپس نہیں آئے اور اشتہاری ہو گئے۔
نعیم پنجوتھا نے مزید کہا کہ نواز شریف الیکشن نہیں لڑ سکتے، ان کی نا اہلی آرٹیکل باسٹھ ون ایف کے تحت تاحیات ہوئی تھی، الیکشن ایکٹ میں کوئی بھی ترمیم آئین کے آرٹیکل کو تبدیل نہیں کر سکتی۔
