27 ستمبر ، 2023 
عالمی دباؤ کام کرگیا، بھارت خالصہ رہنما ہردیپ سنگھ کے قتل کیس میں تعاون پر آمادہ
27 ستمبر ، 2023
شدید عالمی دباؤ کے بعد ہندو انتہا پسند مودی سرکار نے کینیڈا میں قتل ہونے والے خالصتان تحریک کے رہنما ہردیپ سنگھ نجر کے قتل کیس میں تعاون پر آمادگی ظاہر کر دی۔
نیو یارک میں بھارتی وزیر خارجہ سبرا منیم جے شنکر نے کہا کہ کوئی حکومت انہیں ہردیپ سنگھ نجر قتل کے حوالے سے ٹھوس چیز فراہم کرے تو وہ یقینی طور پر اس کا جائزہ لیں گے۔
بھارتی وزیر خارجہ کے بیان کے بعد کینیڈین انٹیلی جنس حکام نے نجر قتل کیس میں بھارت کے خلاف شواہد سیاسی جماعتوں کے رہنماؤں کو دکھانا شروع کر دیے۔
بریفنگ ملنے پر رہنما این ڈی پی جگمیت سنگھ کہتے ہیں انہوں نے قابل اعتماد شواہد دیکھے ہیں کہ خالصتان تحریک کے رہنما کا کینیڈا میں قتل کا بھارت سے تعلق ہے۔
خیال رہے کہ کینیڈین وزیراعظم جسٹن ٹروڈو نے پارلیمنٹ میں کھڑے ہو کر الزام عائد کیا تھا کہ ہردیپ سنگھ نجر کے قتل میں بھارتی خفیہ ایجنسی ’را‘ ملوث ہے۔
اس معاملے پر کینیڈین حکومت نے بھارتی خفیہ ایجنسی را کے سربراہ کو ملک بدر کر دیا تھا جس کے جواب میں بھارت نے سبکی مٹانے کے لیے سینیئر کینیڈین سفارتکار کو بھی کینیڈا چھوڑنے کا حکم دیا۔
خالصتان تحریک کے رہنما ہردیپ سنگھ نجر کے قتل پر امریکا اور برطانیہ سمیت کئی ممالک کا دباؤ تھا کہ بھارت اس معاملے پر کینیڈین حکام سے تعاون کرے۔
مزید خبریں :
برطانیہ میں کرسمس کے روز چاقو کے وار سے دو خواتین ہلاک
27 دسمبر ، 2024
خلیج تعاون کونسل نے شام میں غیر ملکی مداخلت کو مسترد کر دیا
27 دسمبر ، 2024
