28 ستمبر ، 2023 
اوور 40کرکٹ گلوبل کپ: پاکستان نے یو اے ای کو ہرا کر مسلسل ساتویں فتح حاصل کرلی
28 ستمبر ، 2023
اوور 40کرکٹ گلوبل کپ میں پاکستان نے متحدہ عرب امارات کو 8 وکٹوں سے شکست دے کر مسلسل ساتویں فتح حاصل کرلی ۔
جمعرات کو کراچی میں نیشنل بینک اسٹیڈیم میں یو اے ای نے ٹاس جیت کر پہلے بیٹنگ کا فیصلہ کیا لیکن پوری ٹیم 80 کے اسکور پر ڈھیر ہوگئی۔
یو اے ای کی جانب سے وجے 15، سرفراز 13 اور بیجو نائر 13 رنز کے ساتھ نمایاں رہے۔پاکستان کی جانب سے عبدالقادر نے 24 رنز دے کر چار وکٹیں حاصل کیں، وہ اب تک ٹورنامٹ میں 17 وکٹیں حاصل کرچکے ہیں۔
اس کے علاوہ حارث ایاز اور کاشف صدیق نے دو، دو کھلاڑیوں کو آؤٹ کیا ۔
پاکستان نے 81 رنز کا ہدف 11ویں اوور میں دو وکٹوں پر پورا کرلیا، جنید خلیل 35 رنز کے ساتھ ٹاپ اسکورر رہے۔
ٹورنامنٹ میں پاکستان کی یہ مسلسل ساتویں کامیابی ہے۔
پاکستان، ویسٹ انڈیزاور امریکا کی ٹیمیں پہلے ہی سیمی فائنل کیلئے کوالیفائی کرچکی ہیں، سیمی فائنل ہفتے کو کھیلے جائیں گے ۔
واضح رہے کہ گلوبل کپ کے میچز جیو سپر سے براہ راست نشر کیے جا رہے ہیں۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
