01 اکتوبر ، 2023 
بھارتی حیدرآباد کا کرکٹر میچ میں بیٹنگ کرتے ہوئے دل کا دورہ پڑنے سے چل بسا
01 اکتوبر ، 2023
بھارتی شہر حیدرآباد دکن سے تعلق رکھنے والا کرکٹر سعودی عرب میں کرکٹ میچ میں بیٹنگ کرتے ہوئے پِچ پر دل کا دورہ پڑنے سے انتقال کر گیا۔
رپورٹس کے مطابق جمعہ کو سعودی عرب میں مقیم بھارتی حیدرآباد سے تعلق رکھنے والے 52 سالہ کرکٹر عاطف خان میچ کے دوران بیٹنگ کرتے ہوئے اچانک پِچ پر گر گئے۔
ساتھی کرکٹرز کی جانب سے عاطف کو فوراً قریبی کلینک منتقل کیا گیا لیکن آکسیجن لیول کم ہونے کی وجہ سے وہ چل بسے۔ڈاکٹروں نے ان کی موت کی وجہ دل کا دورہ قرار دی۔
عاطف کے ساتھیوں کا بتانا ہے کہ میچ کے پہلے ہاف میں وہ بالکل ٹھیک تھے لیکن بیٹنگ کے دوران ان کو سینے میں تکلیف ہوئی جو جان لیوا ثابت ہوئی۔
ڈاکٹروں کا کہنا ہے کہ اگر عاطف کو فوراً سی پی آر دی جاتی تو شاید ان کی جان بچائی جاسکتی تھی۔
رپورٹ کے مطابق عاطف نے سوگوراوں میں ایک بیوی اور 3 بچے چھوڑے ہیں، جو حیدرآباد دکن میں رہتے ہیں۔
مزید خبریں :
شاہد آفریدی جلد جیو پوڈکاسٹ کے پہلے مہمان بنیں گے
11 گھنٹے پہلے
