02 اکتوبر ، 2023 
سکھر پولیس کا مقابلے میں پنجاب کے اندھڑ گینگ کے اہم کارندے کی ہلاکت کا دعویٰ
02 اکتوبر ، 2023
سکھر پولیس نے دعویٰ کیا ہے کہ پنوعاقل کے کچے کے علاقے میں پولیس اور ڈاکوؤں کے درمیان مبینہ مقابلے میں پنجاب کے اندھڑ گینگ کا اہم کارندہ سانول سکھانی ہلاک ہو گیا ہے۔
ایس ایس پی سکھر کے مطابق پولیس مقابلے میں ہلاک ہونے والا ڈاکو سانول سکھانی، رحیم یار خان، راجن پور، گھوٹکی، کشمور اور سکھر میں سنگین جرائم کے متعدد مقدمات میں پولیس کو مطلوب تھا۔
انہوں نے بتایا کہ انڈھڑ گینگ کے سرغنہ جانو انڈھڑ کے مارے جانے کے بعد انڈھڑ گینگ کو سانول سکھانی آپریٹ کر رہا تھا۔
پولیس کا کہنا تھا کہ ہلاک ڈاکو نے ساتھیوں کے ساتھ گھوٹکی کے کچے میں پولیس پارٹی پر حملہ کر کے ڈی ایس پی سمیت 5 پولیس اہلکاروں جبکہ رحیم یار خان کے کچے کے علاقے میں پولیس مقابلے کے دوران 6 اہلکاروں کو شہید کیا تھا۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
