06 اکتوبر ، 2023 
جرائم
ملزمان بھیک مانگنے کے لیے متعدد بار سعودی عرب، ایران اور عراق جاچکے ہیں، ملزمان کو سعودی عرب پہنچنے پر پاکستانی ایجنٹوں نے وصول کرنا تھا/ فائل فوٹو
عمرے کی آڑ میں بھیک مانگنے سعودیہ جانیوالے 4 ملزمان گرفتار
06 اکتوبر ، 2023
لاہور: ایف آئی اے نے عمرے کی آڑ میں بھیک مانگنے کے لیے سعودیہ جانے والے 4 ملزمان کو گرفتار کرلیا۔
وفاقی تحقیقاتی ادارے (ایف آئی اے) کے اینٹی ہیومن ٹریفکنگ سرکل لاہور نے کارروائی کرتے ہوئے 4 ملزمان کو گرفتار کیا جن میں 2 خواتین اور 2 مرد شامل ہیں۔
ترجمان ایف آئی اے نے بتایا کہ ملزمان کو ایف آئی اے امیگریشن نے لاہور ائیرپورٹ پر آف لوڈ کیا، ملزمان بھیک مانگنے کے لیے متعدد بار سعودی عرب، ایران اور عراق جاچکے ہیں، ملزمان کو سعودی عرب پہنچنے پر پاکستانی ایجنٹوں نے وصول کرنا تھا۔
ترجمان کے مطابق بھیک کے ذریعے کمائی کی گئی رقم کا آدھا حصہ ایجنٹ کو دینا تھا۔
ترجمان ایف آئی اے کا کہنا ہےکہ ملزمان اور ایجنٹوں کے خلاف مقدمہ درج کرکے تفتیش شروع کردی گئی ہے۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
