09 اکتوبر ، 2023 
کرکٹ ورلڈکپ: سری لنکا کیخلاف میچ میں قومی ٹیم کی پلیئنگ الیون میں تبدیلی کا امکان
09 اکتوبر ، 2023
انٹرنیشنل کرکٹ کونسل (آئی سی سی) کرکٹ ورلڈ کپ میں سری لنکا کے خلاف ہونے والے میچ میں قومی ٹیم کی پلیئنگ الیون میں ایک تبدیلی کا امکان ہے۔
ورلڈ کپ میں کل پاکستان اور سری لنکا کے درمیان میچ حیدرآباد دکن میں کھیلا جائے گا۔
ذرائع کے مطابق حیدرآباد میں ٹریننگ سیشن کےموقع پر پلیئنگ الیون پر تبادلہ خیال ہوا اور کل کے میچ کیلئے ٹیم میں ایک تبدیلی کا امکان ہے۔
ذرائع نے بتایاکہ فخرزمان کی جگہ عبداللہ شفیق کو پلیئنگ الیون میں شامل کرنےکا امکان ہے۔
ذرائع کا کہنا ہے کہ ممکنہ پلیئنگ الیون میں بابراعظم، امام الحق، عبداللہ شفیق، محمد رضوان، سعود شکیل، افتخار احمد، شاداب خان، محمد نواز، حارث رؤف، شاہین آفریدی اور شامل ہیں۔
خیال رہے کہ پاکستان نے ورلڈکپ کے پہلے میچ میں نیدرلینڈز کو شکست دی تھی۔
