09 اکتوبر ، 2023 
ورلڈکپ: سری لنکا کیخلاف پاکستانی خفیہ ہتھیارکیا ہے؟ قومی ٹیم کے ہیڈکوچ نے بتادیا
09 اکتوبر ، 2023
قومی ٹیم کے ہیڈکوچ گرانٹ بریڈ برن نے سری لنکا کےخلاف ورلڈکپ میچ میں پاکستان کے خفیہ ہتھیار کا بتادیا۔
بھارتی حیدرآباد میں پریس کانفرنس کرتے ہوئے قومی ٹیم کے ہیڈکوچ گرانٹ بریڈ برن کا کہنا تھا کہ سری لنکا کے خلاف میچ کی تیاریوں میں مکی آرتھر ہمارا اہم ہتھیار ہیں، آج ٹیم میٹنگ میں مکی آرتھر نے سری لنکن کھلاڑیوں کے بارے میں کافی تفصیلی پوائنٹ بتائے۔
گرانٹ بریڈ برن کا کہنا تھا کہ مکی آرتھر پہلے سری لنکا کی کوچنگ بھی کرچکے ہیں، انہیں ان کے بارے میں بہت کچھ معلوم ہے۔
قومی ٹیم کے ہیڈکوچ کا کہنا تھا کہ بطور ٹیم ہر حریف اور اس کی صلاحیتوں کا احترام کرتے ہیں، ہم بطور ٹیم اس بات پر فوکس ہیں کہ ہمیں جیت کے لیےکس طرح پرفارم کرنا ہے، ہم نے ابھی اپنا بہترین کھیل پیش نہیں کیا لیکن یہ تشویش کی بات نہیں ہے، یقین ہے کہ بہت جلد ٹیم اپنا بہترین کھیل پیش کرےگی۔
ان کا کہنا تھا کہ حیدرآباد کی کنڈیشن کے بارے میں مختلف معلومات کی بنیاد پر اپنا ہوم ورک کیا ہے، حیدرآباد میں ہونے والے انٹرنیشنل اور ڈومیسٹک میچوں کی ویڈیو دیکھی ہیں۔
انہوں نے کہا کہ اس بات میں کوئی شک نہیں کہ ہم پاور پلے میں مطلوبہ نتائج حاصل نہیں کرپارہے،ہمیں کھلاڑیوں پر پورا اعتماد ہےکہ وہ ٹیم کو اچھا آغاز فراہم کرنے کی صلاحیت رکھتے ہیں، ہمیں ابھی وہ ٹیمپو نہیں مل رہا جو ہم چاہتے ہیں، ہم کھلاڑیوں سے متاثر کن پرفارمنس چاہتے ہیں، اس وقت ہمارا فوکس کل کے میچ میں دو پوائنٹ حاصل کرنے پر ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
