16 اکتوبر ، 2023 
دنیا
یو این ایجنسی نے ہنگامی امداد کی اپیل کرتے ہوئے کہا کہ غزہ کا گلا گھونٹا جارہا ہے، لگتا ہے دنیا انسانیت کھوچکی ہے__فوٹو: فائل
اسرائیل فلسطینیوں کو بھوکا، پیاسا مارنے پر تُل گیا، غزہ میں پانی، غذا اور ادویات کی شدید قلت
16 اکتوبر ، 2023
غزہ پر اسرائیلی بمباری کا سلسلہ نویں روز بھی جاری ہے اور اسرائیل فلسطینیوں کو بھوکا، پیاسا مارنے پر تُل گیا ہے۔
غیر ملکی میڈیا کے مطابق غزہ میں انسانی بحران شدت اختیار کر گیا ہے جہاں پانی، غذا اور ادویات کی شدید قلت کا سامنا ہے۔
یو این ایجنسی نے ہنگامی امداد کی اپیل کرتے ہوئے کہا کہ غزہ کا گلا گھونٹا جارہا ہے، لگتا ہے دنیا انسانیت کھوچکی ہے۔
ریڈ کریسنٹ کا کہنا ہےکہ اسپتال چلانے کےلیے صرف آج کا ایندھن باقی رہ گیا، اسپتالوں اور پناہ گزینوں کے مراکز پر بھی حملے کیے جارہے ہیں۔
دوسری جانب شہر خان یونس کے گھر پر حملے میں ایک ہی خاندان کے 7 افراد شہید ہوگئے جب کہ شہیدوں کی مجموعی تعداد 2670 ہوگئی اور 9600 سے زیادہ زخمی ہیں۔
