17 اکتوبر ، 2023 
اسرائیل نے فلسطین سے جنگ طویل ہونے کی دھمکی دیدی
17 اکتوبر ، 2023
اسرائیلی وزیر دفاع نے اسرائیل فلسطین جنگ طویل ہونے کی دھمکی دے دی۔
امریکی وزیر خارجہ انٹونی بلنکن سے ملاقات میں اسرائیلی وزیر دفاع یواو گیلنٹ نے کہا کہ اسرائیل کو امریکی حمایت حاصل ہے، بحیرہ روم میں بھی امریکی بحری بیڑہ موجود ہے، یہ جنگ طویل ہونے والی ہے اور اس کی قیمت بھی بڑی ہوگی۔
تل ابیب میں امریکی وزیر خارجہ انٹونی بلنکن سے ملاقات میں اسرائیلی وزیر دفاع کا کہنا تھا کہ امریکا ہمارا عظیم اتحادی ہے، امریکی اعلیٰ حکام روز اسرائیل آ رہے ہیں۔
انہوں نے کہا کہ ہم یہ جنگ اسرائیل کے لیے، یہودی لوگوں کے لیے اور اسرائیل امریکا کی مشترکا اقدار کے لیے جیتیں گے۔
اس موقع پر انٹونی بلنکن کا کہنا تھا کہ اسرائیلی حقوق اور اسرائیلی دفاع کی حمایت امریکی عزم بلکہ امریکا کی ذمہ داری ہے، اسرائیل کو ہمیشہ امریکا کی حمایت حاصل رہی ہے۔
واضح رہے کہ 7 اکتوبر سے اسرائيل کی غزہ پر جارحیت جاری ہے، مسلسل بمباری میں 2 ہزار 800 سے زائد فلسطینی شہید ہوگئے ہیں، شہیدوں میں ایک ہزار سے زائد بچے اور 400 سے زائد خواتین بھی شامل ہیں۔
مزید خبریں :
البانیہ نے ٹک ٹاک پر ایک سال کیلئے پابندی لگا دی
7 گھنٹے پہلے
ترکیہ میں ہیلی کاپٹر حادثے میں 4 افراد ہلاک
8 گھنٹے پہلے
جنوبی افریقا میں 5.3 شدت کا زلزلہ
10 گھنٹے پہلے
