روس نے غزہ کے اسپتال پر اسرائیلی بمباری کو ’جرم اور غیر انسانی فعل‘ قرار دے دیا

ماسکو: روس نے غزہ کے اسپتال پر اسرائیلی بمباری کو جرم اور غیر انسانی فعل قرار دے دیا۔

روسی وزارت خارجہ نے اسرائیل کی جانب سے غزہ کے اسپتال پر حملے اور اس کے نتیجے میں 500 ہلاکتوں کو غیر انسانی فعل اور جرم قرار دیتے ہوئے کہا ہےکہ اگر اسرائیل اس حملے میں ملوث نہیں ہے تو وہ اس کی سیٹلائٹ تصاویر لازمی جاری کرے۔

روسی وزارت خارجہ کے ترجمان کا کہنا تھا کہ اسرائیل کے اسپتال پر حملے کو ہم لازمی طور پر ہم مجرمانہ فعل کے جرم کے طور پر دیکھتے ہیں اور یہ انتہائی غیر انسانی عمل ہے۔

ترجمان روسی وزارت خارجہ نے کہاکہ مشرق وسطیٰ میں تیزی سے پھیلتی صورتحال خطے کے باہر تک پہنچ چکی ہے، یہ عالمی پیمانے پر ایک عالمی بحران ہے۔

اقوام متحدہ اور عالمی ادارہ صحت کی مذمت

دوسری جانب اقوام متحدہ کے سیکرٹری جنرل نے بھی اسرائیل حملے کی شدید مذمت کرتے ہوئے کہا کہ انسانی قوانین میں صحت کی سہولیات کے مراکز محفوظ ہوتے ہیں اور انہیں نشانہ نہیں بنایا جاسکتا۔

علاوہ ازیں عالمی ادارہ صحت کے سربراہ ڈاکٹر ٹیڈروس نے اسرائیلی حملے کی شدید مذمت کرتے ہوئے عام شہریوں اور اسپتالوں کو فوری محفوظ بنانے کا مطالبہ کیا۔

واضح رہےکہ اسرائیل فوج نے غزہ پر وحشیانہ بمباری کرتے ہوئے اسپتال کو نشانہ بنایا جس میں شہید ہونے والے فلسطینیوں کی تعداد 500 سے زائد ہے جب کہ عالمی رہنماؤں کی جانب سے اس حملے کی شدید مذمت کی جارہی ہے۔

 اسرائیلی حملوں میں شہید فلسطینیوں کی تعداد 3500 سے متجاوز

غزہ پر اسرائیل کے حملوں میں شہید فلسطینیوں کی تعداد 3500 سے زیادہ ہوگئی ہے۔

فسلطینی وزارت صحت کے مطابق غزہ میں اسرائیلی حملوں سے 12 ہزار 500 افراد زخمی ہوئے ہیں، شہید ہونے والوں میں 1000 سے زائد بچے اور ہزار سے زائد خواتین شامل ہیں۔

غزہ کے اسپتال پر اسرائیل کی بمباری، 500 سے زائد فلسطینی شہید

فلسطینی وزارت صحت کے مطابق اسرائیلی طیاروں نے وسطی غزہ میں موجود اسپتال کو نشانہ بنایا جس میں 600 سے زائد افراد زخمی بھی ہوئے ہیں

سعودیہ، ترکی، ایران، فرانس اور کینیڈا سمیت عالمی رہنماؤں کی غزہ اسپتال پر حملےکی مذمت

عالمی برادری کے دباؤ پر اسرائیل کا اسپتال پر حملے کی ذمہ داری قبول کرنے سے انکار ، الزام فلسطینیوں پر ڈالنے کی کوشش، عالمی میڈیا نے اسرائیلی دعوے کو جھوٹ قرار دیدیا۔