18 اکتوبر ، 2023 
پاکستان
نواز شریف کی روضہ رسول ﷺ پر حاضری، آئندہ 24 گھنٹوں میں دبئی پہنچنے کا امکان
18 اکتوبر ، 2023
سابق وزیراعظم و مسلم لیگ (ن) کے قائد نواز شریف کا سعودی عرب سے آئندہ 24 گھنٹوں میں دبئی پہنچنے کا امکان ہے۔
نواز شریف ان دنوں سعودی عرب میں ہیں اور ان کی سعودی حکام سے دو ملاقاتیں بھی ہوچکی ہیں۔
نواز شریف کا سعودی عرب سے آئندہ 24 گھنٹوں میں دبئی پہنچنے کا امکان ہے۔
انہوں نے عمرے کی ادائیگی کے بعد روضہ رسول اللہ ﷺ پرحاضری دی۔ ذرائع کے مطابق نواز شریف کے ذاتی عملے کے پانچ افراد لاہور سے دبئی پہنچ گئے۔
ذرائع کا کہنا ہے کہ نواز شریف دبئی میں دو دن گزاریں گے، دبئی میں ایک اہم ملاقات بھی طے ہے۔
سابق وزیراعظم 21 اکتوبر کو پاکستان پہنچیں گے۔
